Zépis:
Kotomili : 300 g
Silon: 70 g
Kaloupilé : 3 ti-brans
Zirof : 18 tèt
Pwav : 1 in gran kiyèr
Moutard : 2 ti-kiyèr
Vindyon : 2 ti-kiyèr

Matèryel:
1 karay en font (i fo-pa lo fon lé an téfal)
èk son pèl an tol
in fé lé posib réglé
la kantité sokoup oubyinsa pla pou sak ta zépis.I fo pa bann zépis i mélanz rant zot avan i fé griy sak ta.

Nana in lord , in dégré épisa in tan a réspékté pou fé griy sak zépis. Fé ninportkoman, lé posib si ou nana labitid, si ou i koné byin out fé èk out karay

1 Vindyon : I fo fé griy ali promyé, parapor li lé pli difisil, li bril si karay lé tro so. Sof ali ziskatan li vyin la koulèr tol rouyé.

2 Moutard: kan son koulèr mov-mov i vyin plito gri é promyé grin i komans pété dann karay, li lé bon.

3 kaloupilé si lo fèy lé sèk i fo fé tansyon. I bril vitman.

4 Pwav èk zirof: (fé kui ansanm) lèrk lodèr i sanz épisa lo grin i komans pété dann fon karay, li lé bon pou tiré

5 Kotomili : Dann karay byin so, tourn ziskatan in lodèr pli-dou i ranplas son lodèr èg. Son koulèr i vyin pli-fonsé. Somansa tir ali avan bann grin i komans brilé.

6 Silon : kan i mèt ali dann karay so, lé konmsi l’i rod kolé. Lé normal. Firamézir i tourn ali, l’i sèk, tout bann grin i brini é son lodèr griyé i lèv. Mé i fo pa lès ali vni tro fonsé pars l’i lé rapid pou brilé. Anplis, si dé-trwa grin i bril, l’i tonm amèr, i gat lo masalé.

7 mélanz bann zépis, aprésa fors dofé,tourn tout dann karay ziskatan lodèr masalé i lèv è i antan sak lé annsou komans pété. pangar brilé! lès pa lo zépis lontan san tourné. fé sa pandan 2 minit parla.
8 fané dan in gran pla ofon byin sèk oubyinsa dan in vann. Kit frédi.
9 kraz fin-minm dan in moulinèt kafé sansa dann pilon.
10 mèt dan in bwat sansa in sac plastik i fèrm byin, pou pa vanté.

Epices :
Coriandre : 300 g
Cumin : 70 g
Kaloupilé : 3 branches
Girofle : 18 clous
Poivre : 1 cuillérée à soupe rase
Moutarde : 2 cuillérées à café rases
Fenugrec : 2 cuillérées à café rases

Matériel:
1 woc en fonte (pas de fond tefal)
et sa spatule en métal
un feu réglable
des soucoupes et récipients en quantité suffisante pour que les épices ne soient pas mélangées dès le départ.

Chaque épice a son temps de cuisson et sa température de cuisson propres et il faut respecter l'ordre dans lequel les épices seront torréfiées

1 Fenugrec : Il faut commencer par le fénugrec car c'est le plus délicat et il est impossible de rattraper une température excessive. Chauffer jusqu'à obtenir une couleur brique foncé

2 moutarde: quand la couleur passe du rouge vin au gris, le degré de torréfaction est atteint

3 kaloupilé : La torréfaction des feuilles séchées est très délicate

4 poivre et girofle : (cuits ensemble) le degré de cuisson est atteint quand l'odeur change et que les grains commencent à exploser dans le woc

5 coriandre : bien remuer dans le woc très chaud jusqu'à ce que l'odeur acide de l'épice crue disparaisse au profit d'une odeur plus fade, douçâtre. La couleur devient plus foncée mais il ne faut pas que des grains soient brûlés

6 Cumin : lorsqu’on le verse dans le woc, il donne l’impression de vouloir attacher. C’est normal. À mesure qu’il sèche, il brunit et libère son arôme. Mais il faut arrêter la torréfaction avant qu’il brunisse trop. Car si quelques grains commencent à être carbonisés, ils donneront une amertume au mélange qui sera raté.

7 mélanger les épices et les tourner dans le woc bien chaud jusqu'à sentir l'odeur du massalé et entendre les épices crépîter au fond du woc. Attention ! tourner sans cesse et ne jamais laisser les épices longtemps au contact du woc. Cette opération dure environ 2 mn.
8 étendre dans un plat creux sec et laisser refroidir.
9 moudre dans une moulinette ou broyer finement dans le mortier
10 conserver dans un récipient hermétique (bocal ou sachet de plastique)

Pou pa pèrd lo gou masalé...

Si m'i di azot tout, lafèr la komansé lo zour ousa in vyé madanm dann bazar Sin-Pyèr té i vann amwin la poud masalé la di amwin konmsa:" mounwar! zordi, m'a vann aou lo vré masalé i sort an-n-Inn . Sa, in swami i sort laba l'amont amwin fé sa." Mwin la santi la poud aprésa , pou pa afront aèl, mwin la di aèl:

" Eskiz! zordi m'i pran pa. Toudsuit-la,mwin napi lamoné.I sar pou inn ot kou."

Koman fé, astèr? Mwin la komans ésèy fé mon masalé. Mwin la bril inn, dé, trwa fwa... aprésa té tro plat...tro amèr...tro kri... Afors-afors, mwin l'artrouv lodèr èk lo gou...

Zordi, kèr klèr, m'i di azot sak m'i koné... pou pa pèrd lo gou kok masalé mon parin té i fé, pou zourdlan, kan mwin té marmay.

R.T.

Pour ne pas perdre le goût du massalé...

Pour tout vous dire, l'aventure commença le jour où, au marché de Saint Pierre, la vieille dame qui me vendait de la poudre de massalé me dit: " mon enfant! aujourd'hui je te vendrai le massalé authentiquement indien. C'est un swami qui vient de là-bas qui m'a donné la recette." J'ai humé le parfum du produit, puis, pour ne pas la contrarier, je lui ai dit:

"je suis désolé de ne pas pouvoir en acheter aujourd'hui, mais il ne me reste plus d'argent. Ce sera pour une autre fois."

Que faire? j'entrepris de fabriquer mon massalé. je brûlais une, deux trois fois les épices. quand je crus au succès, j'eus les désagréments de la fadeur... de l'amertume... de l'insuffisance de cuisson... A la longue j'obtins le parfum et la saveur...

Et aujourd'hui, soulagé et heureux, je vous donne la recette... pour que ne se perde pas la saveur du coq au massalé que mon parrain cuisait à l'occasion du jour de l'an quand j'étais enfant.

R.T.